IPL 2026: આઈપીએલ 2026માં ટીમ ઈન્ડિયાના કેટલાક સ્ટાર ખેલાડીઓનું પ્રદર્શન અત્યંત નિરાશાજનક રહ્યું છે. તેમના નબળા ફોર્મને કારણે તેમની સંબંધિત ફ્રેન્ચાઈઝીઓ મુશ્કેલીમાં મુકાઈ ગઈ છે. સૌથી મોટો ફટકો મુંબઈ ઈન્ડિયન્સને લાગ્યો છે, જ્યારે ટીમ ઈન્ડિયાના વાઈસ-કેપ્ટનનું પ્રદર્શન પણ સવાલોના ઘેરામાં છે. ચાલો જાણીએ એવા 5 ખેલાડીઓ વિશે જેમનું ફોર્મ ચિંતાનો વિષય બન્યું છે..
1. તિલક વર્મા
ICC ટી-20 વર્લ્ડ કપ 2026માં ટીમ ઈન્ડિયાની જીતમાં મહત્વની ભૂમિકા ભજવનાર તિલક વર્મા આઈપીએલ 2026માં સાવ નિષ્ફળ રહ્યા છે. તિલકે આ સીઝનમાં અત્યાર સુધી રમાયેલી 4 મેચોમાં માત્ર 8.75ની સરેરાશથી માત્ર 35 રન જ બનાવ્યા છે.
2. જસપ્રીત બુમરાહ
સ્ટાર ફાસ્ટ બોલર જસપ્રીત બુમરાહ માટે પણ આ સીઝન અત્યાર સુધી નિરાશાજનક રહી છે. બુમરાહ 4 મેચ રમવા છતાં એક પણ વિકેટ ઝડપી શક્યો નથી. જોકે, તેણે 8.20ની ઈકોનોમી રેટ સાથે રન પર થોડો અંકુશ જરૂર રાખ્યો છે, પરંતુ વિકેટ ન મળવી તે ટીમ માટે ચિંતાની બાબત છે.
3. અક્ષર પટેલ
દિલ્હી કેપિટલ્સના કેપ્ટન અક્ષર પટેલ પણ આઈપીએલ 2026માં પોતાની છાપ છોડવામાં નિષ્ફળ રહ્યા છે. 4 મેચોમાં તેણે માત્ર 1ની સરેરાશથી માત્ર 3 રન બનાવ્યા છે. બોલિંગમાં પણ તે ખાસ પ્રભાવ પાડી શક્યા નથી અને 36.67ની સરેરાશથી માત્ર 3 વિકેટ જ મેળવી શક્યા છે.
4. અર્શદીપ સિંહ
ફાસ્ટ બોલર અર્શદીપ સિંહની બોલિંગ આ સીઝનમાં ખૂબ જ મોંઘી સાબિત થઈ છે. અર્શદીપે 4 મેચોમાં 74.50ની ખૂબ જ ખરાબ સરેરાશથી માત્ર 2 વિકેટ ઝડપી છે. આ દરમિયાન તેનો ઈકોનોમી રેટ 10.64 રહ્યો છે, જે ટીમના હિતમાં નથી.
5. વરુણ ચક્રવર્તી
સ્ટાર સ્પિનર વરુણ ચક્રવર્તી હાલમાં ઈજાને કારણે પ્લેઈંગ 11માંથી બહાર થઈ ગયો છે. ઈજાગ્રસ્ત થતા પહેલા તેણે 2 મેચ રમી હતી, જેમાં તે એક પણ વિકેટ મેળવી શક્યો નહોતો અને 13.17ના ઉંચા ઈકોનોમી રેટથી રન લુંટાવ્યા હતા.
