હોલિકા દહનની રાત્રિને માત્ર અનિષ્ટ પર ધર્મના વિજયના પર્વ તરીકે જ નહીં, પરંતુ જ્યોતિષ શાસ્ત્રમાં 'સિદ્ધિની રાત્રિ' તરીકે પણ ઓળખવામાં આવે છે. જો તમે લાંબા સમયથી Rahu-Ketu ના દોષ અથવા શનિની સાડાસાતીથી પરેશાન હોવ, તો એક મુઠ્ઠી કાળા તલ અને હોલિકાની પરિક્રમા તમારા માટે આશીર્વાદ સમાન સાબિત થઈ શકે છે. આગામી 2 March 2026ના રોજ આ પવિત્ર અવસર પર કરવામાં આવેલા વિશેષ ઉપાયો ગ્રહપીડામાંથી મુક્તિ અપાવી શકે છે.
જ્યોતિષીય દ્રષ્ટિકોણથી કાળા તલનો સીધો સંબંધ શનિદેવ અને રાહુ ગ્રહ સાથે માનવામાં આવે છે. તલમાં નકારાત્મક ઉર્જાને શોષી લેવાની અદભૂત ક્ષમતા હોય છે. જ્યારે આપણે એક મુઠ્ઠી કાળા તલ પોતાના માથા પરથી 7 વાર ઉતારીને હોલિકાની પવિત્ર અગ્નિમાં હોમીએ છીએ, ત્યારે તે આપણી ઉપર રહેલા દુર્ભાગ્ય અને મેન્ટલ સ્ટ્રેસને અગ્નિમાં ભસ્મીભૂત કરી દે છે. આ પ્રક્રિયાથી જીવનમાં આવતા અવરોધો દૂર થાય છે તેવી માન્યતા છે.
હોલિકાની પરિક્રમા પાછળનું વિજ્ઞાન અને શ્રદ્ધા
હોલિકા દહન સમયે અગ્નિની પ્રદક્ષિણા કરવી એ માત્ર એક રિવાજ નથી, પરંતુ તેની પાછળ ગૂઢ વિજ્ઞાન અને આધ્યાત્મિક રહસ્ય છુપાયેલું છે. પ્રજ્વલિત હોલિકામાંથી નીકળતી ઉર્જા અત્યંત શક્તિશાળી હોય છે. જ્યારે ભક્તો 'ॐ નમો ભગવતે વાસુદેવાય' અથવા 'Mahamrityunjay Mantra'ના જાપ સાથે પરિક્રમા કરે છે, ત્યારે તેમના શરીરની આસપાસ એક સુરક્ષા કવચ તૈયાર થાય છે. શાસ્ત્રો મુજબ અગ્નિની આસપાસ ભ્રમણ કરવાથી શરીરના આંતરિક ચક્રો સક્રિય થાય છે અને રાહુ દ્વારા સર્જાયેલ ભ્રમ દૂર થાય છે.
આ રીતે કરો વિશેષ ઉપાય
સંકલ્પ: હોલિકા દહન પૂર્વે જમણા હાથમાં એક મુઠ્ઠી કાળા તલ લઈને તમારી તમામ મુશ્કેલીઓ દૂર થાય તેવી પ્રાર્થના કરો.
ઉતારો: આ તલને તમારા મસ્તક પરથી ઘડિયાળના કાંટાની દિશામાં (Clockwise) 7 વખત ફેરવો.
અર્પણ: ત્યારબાદ આ તલને હોલિકાની પવિત્ર જ્વાળાઓમાં અર્પણ કરી દો.
પરિક્રમા: અંતમાં શ્રદ્ધાપૂર્વક 3, 5 અથવા 7 વાર પ્રદક્ષિણા કરો અને અગ્નિદેવને પ્રણામ કરો.
પુરાણોમાં વર્ણવેલી કથા મુજબ જે રીતે અગ્નિ ભક્ત પ્રહલાદને સ્પર્શ પણ કરી શકી નહોતી, તેવી જ રીતે આ વિધિ અને પરિક્રમા ભક્તોને દુનિયાની બૂરી નજર અને ક્રૂર ગ્રહોના પ્રભાવથી સુરક્ષિત રાખે છે.
