રંગોનો તહેવાર હોળી ભારત સહિત વિશ્વભરમાં અત્યંત આનંદ અને ઉત્સાહ સાથે મનાવવામાં આવે છે. હોળીનો પર્વ શિયાળાની વિદાય અને વસંત ઋતુના આગમનનું પ્રતીક છે. ધાર્મિક મહત્વ અને પૌરાણિક કથાઓથી ભરેલો આ તહેવાર સદીઓ જૂની પરંપરાઓ સાથે જોડાયેલો છે.
આ વર્ષે ભારતમાં 4 માર્ચ 2026ના રોજ રંગોત્સવ અથવા ધુળેટી મનાવવામાં આવશે. જ્યોતિષાચાર્ય અનીષ વ્યાસ જણાવે છે કે, દરેક રંગની આપણા જીવન પર ઊંડી અસર પડે છે, કારણ કે રંગોનો સીધો સંબંધ કોઈને કોઈ ગ્રહ અને રાશિ સાથે હોય છે. આથી હોળીના ઉત્સવને વધુ શુભ બનાવવા માટે તમારી રાશિ મુજબ રંગ-ગુલાલની પસંદગી કરવી હિતાવહ છે.
રાશિ પ્રમાણે કયા રંગના ગુલાલથી રમવી હોળી? (Lucky Colours According To Your Zodiac Sign)
મેષ અને વૃશ્ચિક
આ બંને રાશિનો સ્વામી મંગળ ગ્રહ છે. હોળીના દિવસે આ રાશિના જાતકો માટે લાલ, ગુલાબી અને સોનેરી રંગનો ગુલાલ અત્યંત શુભ રહેશે. આ રંગો તમારા જીવનમાં સકારાત્મક પરિવર્તન લાવી શકે છે.
વૃષભ અને તુલા
વૃષભ અને તુલા રાશિના સ્વામી શુક્ર ગ્રહ છે. તમારી રાશિ મુજબ સફેદ, લીલો, ગુલાબી અને વાદળી રંગ ખૂબ જ ભાગ્યશાળી સાબિત થશે. આ રંગો શાંતિ અને સમૃદ્ધિનું પ્રતીક છે, જે પારિવારિક સંબંધોમાં મધુરતા લાવશે.
કર્ક
કર્ક રાશિના સ્વામી ચંદ્ર છે, જે શીતળતા માટે જાણીતા છે. આથી હોળી પર તમે તમારી રાશિ મુજબ સફેદ, સિલ્વર અને હળવા વાદળી રંગની પસંદગી કરી શકો છો.
મિથુન અને કન્યા
મિથુન અને કન્યા રાશિના સ્વામી બુધ છે, જેનો સંબંધ લીલા રંગ સાથે છે. હોળીના પર્વે આ રાશિના જાતકોએ લીલો, સોનેરી અને પીળા રંગના ગુલાલનો ઉપયોગ કરવો જોઈએ.
સિંહ
સિંહ રાશિના સ્વામી સૂર્ય ગ્રહ છે. તમારા માટે ગોલ્ડન, નારંગી અને લાલ રંગ શુભ ગણાય છે. આ રંગો આકર્ષણ અને નેતૃત્વ ક્ષમતામાં વધારો કરે છે.
મકર અને કુંભ
આ રાશિના સ્વામી ગ્રહ શનિ છે. રાશિ મુજબ તમારા માટે ઘેરો વાદળી, ગ્રે (ભૂખરો), આકાશી અને જાંબલી જેવા રંગો શ્રેષ્ઠ રહેશે.
ધનુ અને મીન
ધનુ અને મીન રાશિના સ્વામી ગુરુ ગ્રહ છે. હોળી પર તમારા માટે પીળો, પીચ, નારંગી અને સોનેરી રંગનો ગુલાલ સૌભાગ્ય લાવનારો સાબિત થશે.
