ઈસ્ટર ક્યારે છે ? : જાણો Holy Weekની તારીખ અને ઈતિહાસ

ઈસ્ટર માત્ર એક તહેવાર નથી પરંતુ આશા, પુનર્જન્મ અને વિશ્વાસની જીતનું પ્રતીક છે. આ વર્ષે, ઇસ્ટર Sunday, 20 એપ્રિલના રોજ છે. આ દિવસને ઈસ્ટર તરીકે પણ ઓળખવામાં આવે છે. ઇસ્ટર ગુડ ફ્રાઈડેના ત્રીજા દિવસે ઉજવવામાં આવે છે. આ તહેવાર ઈસુ ખ્રિસ્તના મૃત્યુ પછી ત્રીજા દિવસે તેમના પુનરુત્થાનને ચિહ્નિત કરવા માટે ઉજવવામાં આવે છે.

તેને ઈસુ ખ્રિસ્તનો ચમત્કાર માનવામાં આવે છે. ગુડ ફ્રાઈડેના દિવસે જ ઈસુને વધસ્તંભે જડવામાં આવ્યા હતા. ત્રીજા દિવસે તે ફરી જીવત થઈ ગયા હતા. તે દિવસે રવિવાર હતો. ત્યારથી દર વર્ષે આ તહેવાર ઉજવવામાં આવે છે.

Holy Weekની શરૂઆત શું છે?
Holy Week ઇસ્ટરના એક અઠવાડિયા પહેલા શરૂ થાય છે અને તેમાં ઈસુ ખ્રિસ્તના છેલ્લા દિવસોની ઘટનાઓનો સમાવેશ થાય છે. સપ્તાહ Palm Sundayથી શરૂ થાય છે અને Easter Sunday પર સમાપ્ત થાય છે.

Palm Sunday-13 એપ્રિલ 2025-યરૂશાલેમમાં ઈસુના આગમનની યાદગીરી
Maundy Thursday-17 એપ્રિલ 2025- અંતિમ ભોજની સ્મૃતિ
Good Friday (એપ્રિલ 18,2025)-ઈસુના વધસ્તંભનો દિવસ
Holy Saturday (એપ્રિલ 19,2025)-ધ્યાન અને મૌનનો દિવસ
Easter Sunday-એપ્રિલ 20,2025-પુનરુત્થાનનો તહેવાર

ઈસ્ટરનું ધાર્મિક મહત્વ

ઈસ્ટર એ સૌથી મહત્વપૂર્ણ ખ્રિસ્તી તહેવારોમાંનો એક છે. તે અંધકારમાંથી પ્રકાશ, મૃત્યુમાંથી જીવન અને પરાજયમાંથી જીતનું પ્રતીક છે. એવું માનવામાં આવે છે કે ઈસુ ખ્રિસ્ત માનવતાના પાપો માટે મૃત્યુ પામ્યા હતા અને ત્રીજા દિવસે જીવીત થયા હતા.

ઈસ્ટર કેવી રીતે ઉજવવામાં આવે છે?
ચર્ચમાં વિશેષ પ્રાર્થના યોજવામાં આવે છે.
Easter Eggs આપવામાં આવે છે અને લેવામાં આવે છે, જે પુનર્જન્મ અને નવી શરૂઆતનું પ્રતીક છે.
લોકો એકબીજાને શુભેચ્છા પાઠવે છે અને ખાસ ભોજન તૈયાર કરવામાં આવે છે.