જ્યોતિષીય ગણતરીની દુનિયામાં ચીની પદ્ધતિ ખૂબ જ પુરાણી અને લોકપ્રિય માનવામાં આવે છે. જે રીતે ભારતીય જ્યોતિષમાં મેષ કે વૃષભ જેવી રાશિઓ અને તેના અલગ ચિહ્નો હોય છે, તેવી જ રીતે ચીની પરંપરામાં તમામ 12 રાશિઓ પ્રાણીઓના નામ પર આધારિત હોય છે. આ રાશિચક્રમાં ઉંદર, વાઘ, ડ્રેગન, સાપ અને ઘોડા જેવા પશુઓની સાથે કૂતરો એટલે કે Dog પણ એક મહત્વનું સ્થાન ધરાવે છે. ચીની સંસ્કૃતિમાં આ પ્રત્યેક પ્રાણી એક ચોક્કસ વર્ષનું પ્રતિનિધિત્વ કરે છે અને વ્યક્તિના જન્મના વર્ષ પરથી તેની રાશિ નક્કી થાય છે.
કયા વર્ષમાં જન્મેલા લોકો Dog Zodiac હેઠળ આવે છે?
જો તમારો જન્મ 1922, 1934, 1946, 1958, 1970, 1982, 1994, 2006 કે 2018 ના વર્ષમાં થયો હોય તો ચાઈનીઝ જ્યોતિષ મુજબ તમારી રાશિ ડોગ ગણાય છે. આ ઉપરાંત હવે પછીનું વર્ષ 2030 પણ આ જ રાશિના ચક્રમાં આવવાનું છે. આ રાશિના જાતકો માટે નિષ્ઠા એ જ તેમની સાચી ઓળખ માનવામાં આવે છે.
વ્યક્તિત્વના સકારાત્મક પાસા અને સામર્થ્ય
આ રાશિના વ્યક્તિઓ પોતાના અત્યંત પ્રામાણિક અને વિશ્વાસપાત્ર સ્વભાવ માટે જાણીતા હોય છે. જ્યોતિષીય દ્રષ્ટિએ આ લોકો શાંત અને ઉદાર હૃદયના હોય છે તેમજ અન્યોની ભાવનાઓનું હંમેશા સન્માન કરે છે. તેઓ કોઈપણ સંબંધમાં પૂરી નિષ્ઠાથી જોડાયેલા રહે છે અને ન્યાયના પક્ષે ઉભા રહેવામાં માને છે. ચાઈનીઝ જ્યોતિષ મુજબ ડોગ રાશિના લોકો પડકારજનક સ્થિતિમાં પણ પોતાની ધીરજ ટકાવી રાખે છે. તેમની કાર્યક્ષમતા, જવાબદારી પ્રત્યેની સભાનતા અને નીડરતા તેમને અન્યોથી અલગ પાડે છે.
નબળાઈઓ અને જીવનના પડકારો
સારી ખૂબીઓની સાથે આ રાશિના લોકોમાં કેટલીક મર્યાદાઓ પણ હોય છે. તેઓ સ્વભાવે ખૂબ જ સંવેદનશીલ અને લાગણીશીલ હોય છે, જેના કારણે ચાલાક લોકો ઘણીવાર તેમની ભોળપણનો ગેરલાભ ઉઠાવી લેતા હોય છે. તેઓ ખૂબ જ સરળ અને સીધું જીવન જીવવામાં માને છે, તેથી કપટ અને પ્રપંચ જેવી બાબતો સમજવામાં તેઓ પાછળ રહી જાય છે. તેમની આ અતિશય સરળતા જ ક્યારેક તેમના માટે મુશ્કેલીનું કારણ બની શકે છે.
