ઉત્તરાખંડની પવિત્ર ચારધામ યાત્રાનો પ્રારંભ 19 Aprilથી થઈ રહ્યો છે, જેના માટે વહીવટી તંત્ર દ્વારા રજીસ્ટ્રેશન પ્રક્રિયા શરૂ કરી દેવામાં આવી છે. શ્રદ્ધાળુઓની સુવિધા માટે આ વખતે ઓનલાઈન રજીસ્ટ્રેશનની અનેક સુવિધાઓ ઉપલબ્ધ છે. જો તમે પણ બદ્રીનાથ, કેદારનાથ, ગંગોત્રી કે યમનોત્રી ધામના દર્શન કરવા માંગતા હોવ તો યાત્રા પર નીકળતા પહેલા રજીસ્ટ્રેશન કરાવવું અનિવાર્ય છે. આ પ્રક્રિયા અત્યંત સરળ છે અને તમે તમારા સ્માર્ટફોન કે લેપટોપની મદદથી મિનિટોમાં તે પૂર્ણ કરી શકો છો.
વેબસાઈટ દ્વારા આ રીતે કરો રજીસ્ટ્રેશન
ચારધામ યાત્રા માટે ઉત્તરાખંડ સરકારની સત્તાવાર વેબસાઈટ registrationandtouristcare.uk.gov.in પર જઈને નોંધણી કરાવી શકાય છે. સૌ પ્રથમ વેબસાઈટ પર જઈને Register/Sign Up વિકલ્પ પર ક્લિક કરો. તમારી પર્સનલ વિગતો ભર્યા બાદ મોબાઈલ નંબર પર આવેલા OTP દ્વારા વેરિફિકેશન પૂર્ણ કરો. ત્યારબાદ લોગઈન કરીને Add / Register for Yatra બટન પર ક્લિક કરો અને જરૂરી વિગતો ભરો. તમારું ઓળખપત્ર (ID Proof) અપલોડ કરો અને ફોર્મ સબમિટ કરો. પ્રોસેસ પૂર્ણ થયા બાદ રજીસ્ટ્રેશન સ્લિપ અથવા QR Code ડાઉનલોડ કરી લો.
WhatsApp અને App દ્વારા પણ સુવિધા
ટેકનોલોજીનો ઉપયોગ કરતા શ્રદ્ધાળુઓ માટે Tourist Care Uttarakhand એપ પ્લે સ્ટોર અથવા એપ સ્ટોર પર ઉપલબ્ધ છે, જ્યાંથી સીધું રજીસ્ટ્રેશન થઈ શકે છે. આ સિવાય સૌથી સરળ રસ્તો WhatsAppનો છે. તમારે માત્ર 8394833833 નંબર પર ‘Yatra’ લખીને મેસેજ કરવાનો રહેશે. ત્યારબાદ ચેટબોટ દ્વારા પૂછવામાં આવેલી વિગતો આપીને તમે તમારું રજીસ્ટ્રેશન કન્ફર્મ કરી શકો છો. કોઈ પણ પ્રકારની સહાય માટે હેલ્પલાઈન નંબર 0135-1364 પર સંપર્ક કરી શકાય છે.
ચારધામ યાત્રા 2026ની મહત્વની તારીખો
યાત્રાના શ્રીગણેશ 19 Aprilના રોજ યમનોત્રી અને ગંગોત્રી ધામના કપાટ ખુલવા સાથે થશે. ગંગોત્રી ધામ ઉત્તરકાશી જિલ્લામાં આવેલું છે. ત્યારબાદ 22 Aprilના રોજ રુદ્રપ્રયાગ જિલ્લામાં સ્થિત કેદારનાથ ધામના કપાટ ભક્તો માટે ખોલવામાં આવશે. જ્યારે 23 Aprilના રોજ ચમોલી જિલ્લામાં બિરાજમાન બદ્રીનાથ ધામના દ્વાર ખુલશે.
શ્રદ્ધાળુઓને સલાહ આપવામાં આવે છે કે યાત્રા દરમિયાન પોતાનું original Aadhaar Card સાથે રાખવું. ઓનલાઈન પોર્ટલ દ્વારા તમે પરિવારનું રજીસ્ટ્રેશન કરવાની સાથે વિશેષ પૂજા માટેનું બુકિંગ પણ એડવાન્સમાં કરી શકો છો.
